ما يسوى الزعل والدنيا بيك ادور

ما يسوى الزعل والدنيا بيك ادور
جرب غير قسمه وشوف دنياتك

ولا تعتب عليهم والله ما يسوون
انت هواي اكبر منهم بذاتك

شمعه انت وجريمه اطفي بيك النور
من تعتب عليهم تطفى شمعاتك

ما يسوون كلمه وانت تعرف هاي
انت اكبر بعد لو قسنه كلماتك

كبلك انه بيهم صدك اندانيت
وصفنات المضني تكول صفناتك

بس جي انه مث لك بالحزن مزروع
طكيت اعله روحي وانه زرعاتك

امشي بدنيتك لا تعتب اعله الروح
وصدك ما يفيد الراح والفاتك

ولا ايخوفك بحر دنياتك اليوم
بحر بس بالورق ما يلوي مرساتك

طبع بيك الورد يا اجمل من الروح
خل عينك جميله وانسى دمعاتك

فرق بين الورد واليزرع الشوك
طبع الشوك طايح بين ورداتك

وانت بهاي اكلك لا تطيح بساع
خليك الجبل مرفوع راياتك

واخر كلمه اكلك انت مو انسان
انت اجمل بعد لو قسنه همساتك

تحياتي